Samarqand viloyati qo‘g‘irchoq teatri rejissyor Farhod Mirzayev tomonidan sahnalashtirilgan “Ali Qushchi” spektakli bilan 21-25-may kunlari Qozogʻistonning Olmata shahridagi “Orteka” VII xalqaro qoʻgʻirchoq teatrlari festivalida ishtirok etmoqda.
Festivalning tantanali ochilish marosimida, madaniy chiqishlar hamda mahorat darslari, yetakchi aktyor va rejissyorlar ishtirokida davra suhbati ham o‘tkazildi.
Shuningdek festivalda Qozogʻiston, Gruziya, Turkiya, Oʻzbekiston va Ozarbayjon qoʻgʻirchoq teatrlarining eng yaxshi spektakllari mehmonlarga, bolalar va kattalar uchun taqdim etiladi.
Festival dasturiga koʻra, ishtirokchilar orasida birinchi boʻlib Samarqand viloyati qoʻgʻirchoq teatrida sahnalashtirilgan "Ali Qushchi" spektakli namoyish etildi.
Samarqand viloyati qo‘g‘irchoq teatri direktori F.Abdurayimov hamda teatr bosh rejissyori F.Mirzayevlarning joriy yilning 20 – 25-sentabr kunlari Rossiya Federatsiyasi S.V.Obrazsov nomidagi davlat akademik qo‘g‘irchoq teatriga tashrif buyurib “ИСТОКИ” xalqaro qo‘g‘irchoqbozlar festivalida mehmon teatr sifatida ishtirok etishdi.
Ushbu festival mobaynida Samarqand viloyati qoʻgʻirchoq teatri direktori Feruzbek Abdurayimov va Moʻgʻuliston davlat qo‘g‘irchoq teatri direktori Bayanzul Zagarjav bilan hamda Meksika “Mil Restros” teatri direktori Fernando Gurrola tomonidan madaniyat, jumladan, teatr sohasida xalqaro hamkorlikni rivojlantirish va ijodiy hamkorlikni yo‘lga qo‘yish bo’yicha memorandum imzolandi va o‘zaro hamkorlik yo‘lga qo‘yildi.
O‘zbekiston Respublikasi Prezidentining 2022-yil 2-fevraldagi 112-son qarori hamda O‘zbekiston Respublikasi Vazirlar Mahkamasining 2019-yil 18-apreldagi 329-son qarori hamda 2023-yil 10-fevral kuni Qozog'iston Respublikasi Chimkent shahri qo'g'irchoq va yosh tomoshabinlar teatri bilan ikki davlat teatr san'ati aloqalarini mustahkamlash maqsadida imzolangan memorandum ijrosini ta'minlash maqsadida tashkil etilgan mazkur xizmat safari doirasida 25-noyabrdan 29-noyabrgacha Chimkentlik jajji tomoshabinlar uchun tayyorlangan tomosha va spektakllar namoyish etilmoqda.
Shuningdek, ikki davlat madaniy aloqalarni mustahkamlash maqsadida Qirg‘iziston Respublikasi O‘sh viloyati qo‘g‘irchoq teatri direktori Nodir Shomurzaev va Samarqand viloyati qo‘g‘irchoq teatri direktori Feruzbek Abdurayimov tomonidan madaniyat jumladan, teatr sohasida xalqaro hamkorlikni rivojlantirish va ijodiy hamkorlikni yo‘lga qo‘yish bo‘yicha memorandum imzolandi va o‘zaro hamkorlik yo‘lga qo‘yildi.
2023-yil 15-noyabrdan 19-noyabrgacha Samarqand viloyati qo‘g‘irchoq teatrining ijodiy jamoasi o‘zining “Samarqand qo‘g‘irchoq teatri dunyo bo‘ylab” nomli ijodiy gastrol safari bilan Tojikiston Respublikasi Dushanbe shahri Resbuplika davlat qo‘g‘irchoq teatriga tashrif buyurdi. Teatr jamoasi Dushanbelik kichkintoy tomoshabinlar uchun o‘zlarining eng sara va qiziqarli asarlaridan biri bo‘lgan “Хвастливый цыплёнок” nomli spektakl va tomoshalar taqdim etishdi.
Shuningdek, Dushanbe shahri Respublika davlat qo‘g‘irchoq teatri direktori Safarzoda Izatullo Amirali hamda teatr Badiiy rahbari Nargis Roziqzodaga Samarqand viloyati qo‘g‘irchoq teatri nomidan o‘zbek milliy madaniyatini o‘zida aks etiruvchi estalik sovg'alar ham topshirildi.
